VITTORIU GIANVITI
Vittoriu GIANVITI (V.G. d’Altimonti)
GIANVITI (Vittoriu), natu in lu 1871, à Pietra di Verde, fece i so' studj a u Liceu di Bastia, duv' ell' ebbe per cumpagni Maistrale e J.-D. Pinelli. Nutaru à la Pietra, ha scrittu in francese e in corsu in la Tramuntana, la Corse, Bastìa-Journal e u Petit Bastiais, sottu i cugnomi di Végé e di V. G. d'Altimonti. Ha fattu, in 1922-23, una campagna longa e ardente in favore di l' opera La dentelle au foyer (vedi articuli di u Petit Bastiais e di l' Artigiano). Quell' idea priziosa di a « puntella a u fuculaghju » ha datu pochi frutti, cume tutte l' idee bone chi fiuriscenu in Corsica. Altimonti avarà u meritu d' avè fattu a prima chjama.
Autore di numarose puesie e dialoghi in prosa, V. G. ha scrittu in dialettu castagnicciaiu una cummedia : E Nozze comiche di Roccu-Fidu e di Fior di Spina. E un puema assai divertevule, ma d'una bella tinuta e purtata morale, qualità abastanza rara per esse nutata. Altimonti pensa chi a litteratura deve ristà sempre degna di quellu chi scrive e di quelli chi leghjenu. Roccu-Fidu li darà u postu ch'ellu merita tra i felibri corsi.
|
1 - A voce di Golu |
|
|
5 - Pattu sociale |
6 - Innu petrulacciu |
|
8 - Realità |
|
|
10 - Dopu a proclamazione |
|
|
13 - Tutti Birbenti |
14 - A timpesta |
|
15 - Zeffiru |
|
|
17 - Pianu à i termini |
18 - Sirinati |
Retour vers la page : Ecrivains et poètes
