Perchè nun corri, ò Sira, quandu ti chiamu
Cun acuti fischi e voce ardente ?...
Solu mi risponde l'ecu dolente ?
A tè più nun sentu ed eiu ti bramu !
D’agnellu di Dio, forse, can' di scorta,
Fallidu in fìdeltà fu ghiudicatu
E' fù da tè, o Siva, rimpiezzatu.
Per ciò cusi allettata, ti sì morta...
Fida ! ere tantu ! e pòi amurosa !
Astuta, carezzente e d'ira priva,
Chi cucchia cume tè, o la moi Siva,
Non più porta la terra, degna di losa!
Di lu mio foculaghiu ere la gioia,
E di lu mio camminu ere la guida;
Lu moi scaccia-penseru ere, o Siva,
E avale di la vita n’aghiu noia...
In lòcu sceltu fu la to' sepultura ;
Piantà ci vogliu un bellu rosulaghiu ;
E di tè, o Sivà, nun mi scorderaghiu
Fin’che di mè la vita in terra dura.
Versu Caronte di tenebrosa riva,
Tristu a lu tormentu cundannatu,
Facciu lu mio camminu, adisperatu ;
In tantu, tù, riposa... dormi, ò Siva !...
V. G. d'Altimonti.
Mercredi 7 juin 1922
Retour vers la page : Vittorio Gianviti
