Pe la valle dì Pontenovu
Canta la voce di Golu :
« Cirnu e to virtù ritróvu
Perche oghie lu to dólu
Porti da monti in marina.
E la to fronte s' inchina.
Bassa, trista ed amurosa,
Versu lu tarenu santu
Duve, atroce, spaventosa
Fù tragedia nera tantu
Che da lu gran' sangue scorsu
Ne falai tuttu rossu.
Brava figliòla di glòria !
Longu tempu ci hai messu,
A rivede la to storia ;
Ma ti ne lodu lìstessu
Perché so ch'in lu to core
Mai la pietà si more!...
Intornu di lu lacu d'Inu,
Tavignanu e Liamone
A l'Altissìmu-Divinu,
Cun me cu devozione,
Dumandavanu, in prighera,
Dì manteneti sincera,
Fida a la tradizione,
Di l'eroi più giganti*
Pruclamati in unione,
Frà li pobuli levanti,
Di l'onore li Campioni,
Di lu curaggìu lioni. »
ln celu, dalu Signore,
Fù accolta sa prighera,
Scelta cume ambasciatore
Fu la «Muvra», a tè sincera
Chi ne sparse u so messaggiu.
Cume un gran solanu raggiu.
Avà luce lu ricordu
Sopr'a l'ossarj sacrati.
Tutti di cumunu accordu
1 to figlioli, inchinati,
Di lu De profondis santu
Hanu ìntonatu lu cantu.
Cantanu dinù la gloria
E tessenu le curone
A l'omi dì la to stòria
Fin 'a u gran' Napoleone,
Chi lu mondu cunquistatu
Messe a i to pedi inchinatu.
Cusi fuste vendicata
Da l'universale turba
Di la quale, scatinata.
Ogni razza cruda e furba,
Rete e catene ti tese
In lu sangue e fiare accese.
Ogni populu rapace
Ti vulìa tene schiava
Ma nun fù mai capace
D'elli la perfide trava
Di resìste a quellu ardore
Chi dicia : «Vince o mòre » !
A la fine, stanca-morta
A le mio rive cadiste !
A lu destinu, sa bolta,
« Tace vogliu lu mio dólu,
« In tè mette ogni spiranza;
« Ghiuru d'esseti sincera
« Ed accettu a to bandiera ! »
Sempre tiniste parula,
Ma la Francia, senza core.
Di tè, cara, si ne burla
Sprezzendu lu to valore.
Solu ti grida succorsu
Quandu li saltanu addossu !
Di lu destinu la voce
Lu tenore, Cirnu. appróvu.
Ma che la tóia, a la Croce
Che tu pianti a Pontenóvu,
Ghiuri d'un esse più fidata
A la Francia, che amata !
S'opr'a l'ossarj sacrati
Di li to eroi accolti :
In lu to senu cascati,
Quelli pè la Francia morti,
Ghiura d'un vulè, a la fine,
Solu più racoglie spine...
Di quella puliticaccia
Ingorda, furba, vergugnosa,
Copri di neru la faccia
Di micidìu e tenebrosa,
Grida : Evviva, l'unione
E u Partitu d'Azione.
Di li to figlioli, in córu
Richiedi l'amàta schiera.
Che là testa di lu Moru
Ripigli la to bandiera,
Pe li to diritti impone
A là Francia nazione.
DI lu sangue e di lu geniu
Che tu desti senza contu,
Di li to amore degnu
A lu sacrifiziu prontu,
Ch'ell'un si scordi la Francia
Di mette in la so bilancia.
Alza la testa, valente !
Guarda fiera lu pussatu !
E per sfassà lu presente
Sìa l'abbene impiegatu ;
Grida : Ava l'ora è sunata
Francia, d'essene ascoltata !...
V. G. d'Altimonti
Retour vers la page : Vittorio Gianviti
