CANZONE PER NAPULEONE

CANZONE PER NAPULEONE

 

Postu ch’io mi trovu solu

E chi nimu mi pò sente

Parla puru a miò musa

E sie ubidiente

Per dì à Napuleone

Cio chè il miò core risente

 

Dili puru ch’o lu tengu

E u stimu da amicu

Per ellu sò prontu à sparte

E la noce et lu figu

A fane ancu di più

Di più ancu ti ne dicu

 

Che la luci la sò stella

Cume una maraviglia

Prima pace e salute

Per ellu e la sò famiglia

E po solli, solli e solli

A far crepà da la imbiglia

 

A Madama Savignoni

Chi vol sente la miò voce

Feraghju un grande sforzu

E mi metteraghju in croce

Mà à sentemi roncà

Per mè ghjè un suppliziu atroce

 

Ma u sforzu u più importente

O madama Savignoni

E à voi di fallu prestu

Inseme incù Napoleone

Dunque date una surelluccia

A i vostri zitelloni

 

E po pensu à Louis

Mi feghja micca in traversu

Crede chi’io mi scordi d’ellu

Disputentuli lu versu

Ma pensendu à le sò rime

Subitu mi sentu persu

 

Ellu si chi le trova prestu

Senza tanta riflessione

Allora chi qui si soffre

Suore, morte e passione

Per cumpone dui terzetti

A la famiglia Napuleone

 

Ma chi sentu à la porta ?

Oh oh chi sò suspresu

Eu mi cridia solu

E invece è à palesu

Allora ava basta cusi

Tantu peghju à chi m’ha intesu

Allora ava basta cusi

Tantu peghju à chi m’ha intesu

 

Retour vers la page : Ecrivains et poètes