E SENATORIALE DI 36

  François PITTI-FERRANDI  ( 1876 - 1955 )             François PIETRI  ( 1882 - 1966 )

E SENATORIALE DI 36

(Ours Pie Pancrazi au Docteur Pitti-Ferrandi)

                                                1    Stamane o ziu vechjiu (*)

                                                      Ūn vi site discitatu

                                                      Versu lu vostru nipote

                                                      Vi mostrate cusì ingratu

                                                      Noi simu per fà l’onore

                                                      Per quellu v’hà rimpiazzatu

                                                2     Prestu si ne và in Parigi

                                                      A ‘ lu palazzu Burbone

                                                      Dopu quaranta quattru anni

                                                      Ch’ ellu aspetta lu serione

                                                      Induv’ ellu avia posatu

                                                      Quellu grande direttore

                                                3    Li cullega anu sparitu

                                                      Ma la memoria hè restata

                                                      Di quella ghjusta l’acetta

                                                      Chi d’oru era manicata

                                                      Ūn pudia fà chè prugressi

                                                      Chè da Diu era fatata

                                                4    Ma sta vechja successione

                                                      Hè venuta cun pacenzia

                                                      A quellu chi n’ hà lasciatu

                                                      In sta nobile presenza

                                                      Preghemu à lu successore

                                                      Ch’ ellu aghji più bona scenza

                                                5    O chi vechja catedrale

                                                      Di bon’ opera colata

                                                      Senza impiecà ne cimentu

                                                      Ne carcina ne lattata

                                                      E si tene sempre arritta

                                                      E da tutti hè rispettata

                                                6    Ma per noi astri stì muri

                                                      Ne sò di petra sacrata

                                                      L’adoremu cumè santi

                                                      E ne sò smenticate

                                                      Ūn ci ne scorderemu micca

                                                      Di le so osse passate

                                               7     Malgradu sta grande festa

                                                      A ‘ tutti trema lu core

                                                      Videndu sta bella testa

                                                      E dinù sgiò Mercantone

                                                      Cù lu sgiò Antoniu Filice

                                                      E quel grande prufessore

                                                8    Avale o Pitti caru

                                                      Vi preghemu longa vita

                                                      Per noi tutti hè regulatu

                                                      E per nov’ anni hè finita

                                                      Credu ch’ averà capitu

                                                      U ministru di l’acqua salita (**)

(*) L’auteur s’adresse aux ancêtres du Docteur Pitti-Ferrandi, dont les portraits ornent les murs du salon 

(**) « U ministru di l’acqua salita » : il s’agit du ministre de la Marine, François Pietri (1882-1966)

Retour vers la page : Ours-Pie PANCRAZI