In « Bussu » si tu ci voli falà
C’hè sempre una truita à piglià
E l’onde sò cusì chjare,
Cusì chjare, chi à me mi pare
Chi a mio ghjuventù nota quallà
Chi a mio ghjuventù pesca quallà
In « Mont’Altu »si tu ci voli cullà
C’hè sempre un cignale à caccighjà
Torduli e pò colombi
Tutta a me ghjuventù core quallà
Tutta a me ghjuventù batte quallà
Ripigliu
In chjesa si tu ti voli cansà
L’altare ti parlerà d’eternità
C’hè sempre una festa
Un coppiu à marità
Un paternostru in l’oscurità
Tutta a me ghjuventù prega quallà
Per i « Temponi », si tu vai à spassighjà
E filette ti voranu racuntà
Qualchi storia d’amore…
O ma lasciate discore…
Sò bugiarde, un m’hanu vistu quallà,
Sola tu, ti ne poi ricordà…
Ripigliu
A scola, ùn a ti vogliu mostrà
U maestru a ti dicerà
L’ore ch’ell’ ha passatu
A fammi amparà
Stè regule di francese per chi fà ?
Forse un ghjornu sì… per spaisà
Ti vogliu fà u paese visità
E ditti, solu à tè, a verità.
Eccu u campusantu
E qui vogliu piantà
Quandu l’ultima chitara cascherà
Quand’ a moi ghjuventù si morerà…
Ripigliu
Ripigliu
Ricordi di ghjuventù
Ch’ùn ne finiscenu più
Ricordi di ghjuventù
Ma, n’ averai ancu tù…
Retour vers la page Ecrivains et poètes
