Ere tù
Sottu un celu serenu, nant’ un mare di sciuma
Aghiu vistu una fada avvicinasi di mè
Tutta bianca velada, era bella, era bruna
E mi so dumandadu ma qualè Oimè
Ai pigliadu a mio manu un ditu nant’ a bocca
E t’aghiu seguidadu senza sapè perchè
Senza sapè chi éri la moi promessa sposa
Dumendendu mi sempre ma qualè Oimè
In un bellu castellu quandu sim’arrivadi
M’ai fattu capi, ch’ éra qui indé mè,
Aghiu chiosi i mio ochji é mi so pizzicadu,
Dumendendu mi sempre, ma qualè Oimè
E in giru a mè, era tutta bellezza
Ere tuttu sapore era tuttu piacè,
U to vélu e cascadu, e una dolce carezza
A tuccadu a mio faccia, é ti si data à mè,
Quandu stanchi è morti, davè fattu l’amore
In un soffiu divinu, mai fattu sapè,
Che tu n’éri ch’un sognu, e per tè era l’ora
Di riperte in mare, senza dimi perchè
Ma incu questu sognu, aghiu in fine capitu
Ch’ un n’avia a circa, cio ch’éra accanta mè,
Aghiu apertu i mio ochji é quandu t’aghiu vistu
Aghiu in fine sappiutu ch’éri tuttu per mè.
Retour vers la page : Jean-Paul Innocenzi
