Un bogliu ch'ellu caschi lu vechiu fornu
Chi dorme in lu teppale, a l'arridossu ;
Lu nettu, l' intrattengu quantu eo possu,
E giru bulenteri a lu so intornu
Diciocch'ellu cuggia mi vene lu succhiu
Ma la so dova e fredda e sempre spacchia ;
Nun sentu piu l'odori di la macchia
Ch'ellu ci si brusgiava : emera e mucchiu.
O quante faciture ch' ell' ha cottu !
Di pistticcine, o quante lavellate !
Quanti migliacci, quante incipollate
E nimu sott' ad' ellu fu male accoltu.
Cun generosità, a questu e a quellu
La donna manerosa, cusi dicia :
Mi vulite favuri ? Tastate una cria
Di ranzzica cun struttu o di bastella.
Un allusingu avia pe li zitelli :
Un pomu imbrustulidu o un panucciu
Un boccone di schiaccia, cun casgiu o brocciu
E nun dimenticava li poverelli.
U furnicciu casanu e un 'amicu ;
A chi n' ha unu ch' ellu ne tenghi contu
Chi ad' ajudacci sera sempre prontu,
Si bisognu ci n' hé... Altru un vi dicu
Retour vers la page : Madeleine Banghala-Nicolai
