U PAISOLU

  U PAISOLU

Quantu ti tengu caru, o paisolu

Un cie parulla umana chi la pô di.

Ma forse sai chi pertendu da qui

Ad’ogni volta sempre più mi desolu.

Di fin ch’io vecu li to tetti grisgi,

L’occhj mai nun ti cacciu d’adossu ;

O lu mio paisucciu, e di ti possu

Chi nun ti cambiu mancu per Pariggi.

Lasciendu a te mi lasciu la mio jente,

I to figlioli, ch’io tengu per amici,

L’unu e l’altri site quelle radici

Chi strappendu mi lascianu dolente.

Per calmà in l’esiliu le mio angoscie

Bogliu cantati, e di fin ch’io esistu,

Dipinghieti a chi nun t’ha mai vistu,

E ricercà quellu chi ti connosce.

E quandu un ghiornu a te ritorneraghiu,

Cume la speru e cume mi ne vantu,

S’ell’un sera per gode li fior di Maghiu

Sera per dorme in lu to Campu-Santu.

Retour vers la page : Madeleine Banghala-Nicolai