SOTTU LA GRATE
Sottu la grate un cie piu
A posà, nant’à lu bancu,
Vecchiu usatu, uomu stancu,
Ne menu cie giuventu.
E nimu ci azzega piu
Canticchiendu lu cinninu ;
Lu veculu e lu pedinu
Oghie un ci ballanu piu.
Sott’à ella un si sta piu
Ci scallemu a lu carminu,
Ma lu vecchiu in saluttinu
Pienghie l’anghiu di quassù
Sottu la grate un cie piu
Nant’à lu vecchiu fucone
Un sol ceppu, un sol tizzone
O, chi freddu cie quassù !
Sottu la grate quassù
Un cie mancu piu la meria
Ha cambiatu anch’ella d’eria
Sta in salottu ella dinu.
Luccicheghia tantu e piu,
Ma e biota di sustanza ;
Lu sabatu, in la so panza
Lu stacciu nun batte piu.
In molte case nun cie piu
Grate sotta’à lu vecchiu tettu ;
Hanu fattu luogu nettu
A lu passatu dettu : Sciu !
In la nostra grate quassù
Quandu lu paese dorme
Nun ci junghie piu fantomie ;
Nun ci si piacenu piu.
Nun cie piu fade
Sottu la grate ;
Ne piu falletti
Sott’à li tetti ;
O, quante cosi chi nun cie piu !
Retour vers la page : Madeleine Banghala-Nicolai
