PETRA DI VERDE

 PETRA DI VERDE

Petra di Verde, paese tant’ amatu

Situ di li piu belli ; dolci monti

Quellu chi di stu nome t’ha chiamatu

Un ‘era, di sicuru, di li piu tonti.

Tuttu qui piace a l’occhiu ; e accunsente.

Si muntagnolu ma vedi la marina ;

Godi d’un clima chi risana la jente

Dolce l’imbernu, e frescu la statina.

In le to macchie ci cantanu l’ocelli,

Cantanu l’acque fresche di le to fonti ;

Cantanu, a li to pedi, li ruscelli

Ghiunghiendu a cori-cori sott’à li ponti.

Natura versu te un fu matrigna ;

Li so doni piu belli li ricuncogli,

Ti da ogliu, castagne, granu e vigna

E copre di verdura ancu li scogli.

Da mare in dà, in ogni cuntinente,

Un vive un to figliolu chi un rivogli

Versu te, lu so core e la so mente

E prestu o tardi, ritorna a li to sogli.

N’un cie un furestere chi nun vogli,

Dopu avetti un ghiornu cunnisciutu,

Mandatti, ogni tantu, un salutu.

Tu li nodi stretti, mai piu li sciogli.

Retour vers la page : Madeleine Banghala-Nicolai