MAMMA CUME LA MEA

 MAMMA CUME LA MEA NUN CI N'ERA

Mamma cume la mea nun ci n’era !

O quante volti li ripetu sta Iosa

Dipoi ch’ell'é in cimiteriu ascosa !

Mamma cume la mea nun ci n’era !

Nesuna avia la so dolce manera,

Ne le so mani fatte per carrezzà

Rotte ad’ogni travagliu e pronte a dà :

Mamma cume la mea nun ci n’era !

Voce cume la soja nun ci n’era.

Una voce dolce, piena d’armunia,

U spirdu marcava cioch'ella dicia :

Mamma cume la mea nun ci n’era !

Mamma cume la mea nun ci n’era !

Più crescu d'anni, piu sta cosa capiscu,

Più pensu ad’ella e più la benediscu ;

Mamma cume la mea nun ci n’era !

Mamma cume la mea nun ci n’era !

Ogn’un stimava la signora LILLINA

Un nomme corsu, un anima divina,

Mamma cume la mea nun ci n’era !

A me mi pare una dolce preghera

Stu versu ch’io li cantu, a bassa voce,

Accumpagnatu d'un segnu di Croce ;

Mamma cume la mea nun ci n’era !

Mamma cume la mea nun ci n’era !

Ma qual sarà chi nun canta sta Iosa ?

Ogni figliolu dice listessa cosa :

Mamma cume la mea nun ci n’era !

Retour vers la page : Madeleine Banghala-Nicolai