O Teppe numerose di u mio paese
Cherche di leccie, di frassi e d’ocelli ;
Grotte bughie e sculiscie appese
Duve saltanu le capre e li zitelli.
Teppe di lu VACCILE e di l’ERNAGHIU
Chi portate lu CASONE e la TEGHIA ;
Teppe di le CHIOSTRELLE e di u CHERNAGHIU
Soprà le quali la TEPPA-GROSSA veghia.
Teppa di u paisolu, detta TOZZA
Tuttu quellu chi ti scorge da lontanu
Smaravigliatu dice : Cum’ell’é grossa !
U curiosu dumanda per chi caminu
Si accede a le tre case chi ti stanu
Dipoi tant’anni nantu a lu spinu.
Retour vers la page : Madeleine Banghala-Nicolai
