CUM'E BELLU LU PAESE
Cum’e bellu lu paese
Cun le so casuccie apese
A la cullina!
Stu, paese chi m’incanta
E cusi ch’ogn’un lu vanta
E ancu la voce santa
Di la so campana canta
Ogni mattina :
Cum’e bellu lu paese
Cun le so casuccie apese
A la cullina!
Di li so tre paisoli
Cusi cantan’ li figlioli
E quelli chi si ne vanu
Prest’o terdi, t'utti hanu
La traffina
Di rivede lu paese
Cun le so casuccie apese
A la cullina.
Cusi canta lu scapricciatu
Quellu chi si n'e scappatu
E chi nun vulia piu ghiunghie.
[Ancu ad’ellu un ghiornu punghie
Cume una spina
La brama di stu paese
Cun le so casuccie apese
A la cullina.
In piu di li so abitenti
La dicenu li passenti,
E a lu so pede lu fiumicellu
Li ripete mentre ch’ellu
Ci si strascina
Cum’e bellu lu paese
Cun le so casuccie apese
A la cullina !
E per ciò che d’or’in poi
Bogliu stami qui, e poi
Lasciacci le mio vecchj’osse
In una fossa fra le fosse
In l’erbulina.
Le fosse chi so apese
Cume tuttu lu paese
A la cullina.
Retour vers la page : Madeleine Banghala-Nicolai
