TEMPI E TEMPI

TEMPI E TEMPI

1 - Ùn sò più ciò c’o sò statu

E ciò c’o era ùn seraghju mai più

U veranu e l’estate é tempu passatu

I belli ghjorni ùn rivenenu più

2 - Amore caru sinceru e amatu

T’aghju appreziatu quant’o aghju pussutu

Ma si eo ritrovassi u tempu passatu

Più forte e più caru t’averìa tenutu

3 - Oghje sò ingrisgiati i mio capelli

Unn aghju più listessa memoria

I mio talenti ùn sò più quelli

E u passatu appartene à a storia

4 - Ùn sò micca solu e ne sò cunvintu

Eo vi dicu ciò c’o risentu

Quellu bellu sole oghje é guasi spintu

Ancu u miò cantu é tristu cume u pientu

5 - U Tempu passa e nisunu l’arresta

A rota chi gira attira l’annoi

L’anni passati ùn sò micca una festa

Ma ùn si po`cambià nunda, O poveri à noi

Degordì, déc. 1991

Retour vers la page : Antoine Straboni