A CICALA E A FURMICULA
Una cicala di ste sebiate
Avìa cantatu tuttu l’estate
Ma à l’auturnu venutu u freddu
Unn avìa un raschju à mette in lu spetu.
Sentendu u muscu induve a vicina
Ghjé andata e l’ha trova in la so cucina.
E l’ha dettu: “Aio, sie cheritatosa
Sò morta di fame, prestami qualcosa.
Ti renderaghju ciò che tu mi dai
E ancu di più, quessa tu a sai!”
Ma a furmiculuccia chi ghjé interessata
L’ha dettu: “Ma st’estate tu a t’hai scialata.
Quand’eo sudava à trascinà u granu
Tu chi fecìe per quellu pianu?”
“Eo cantava, fecìa a paghjella,
Aspessu a sera mi sentìa a cannella.”
“Hai cantatu à voce rivolta
E bè ballerai à quill'altra volta.
Eo per dui unn aghju abbastanza.
U cantu ralegra ma unn empie a panza.
Si tu hai u corpu à viulinu,
Vai à scassà per fatti un spuntinu.
Eo ùn ti prestu nè un pomu, nè un fasgiolu.
Si tu perdi e braghe stringhji u currighjolu.”
Retour vers la page : Antoine Straboni
