MI PAR' DI SOGNARE

 

Cliquer pour écouter la version chantée

 

 

 

 

MI PAR’ DI SOGNARE

 

 

Mi par’ di sognare

Sò in altu mare

Di poi un momentu

Un’ sò più galera

Navigu sta sera

Sopra à un bastimentu

 

U mare è beatu

U celu è stellatu

Eu sò scatinatu

Libero vò

In questa nottata

In terra beata

O Corsica amata

Duve natu sò

 

Longu à la costa marina

Vegu arrivà

Una terra s’avvicina

Qualsa serà ?

Ma un’ mi n’era ancu accorsu

E lu scuprì

A punta di u Capicorsu

Vegu apparì

 

A luna e le stelle

S’uniscenu anch’elle

In la mia allegrezza

E pesce serene

Cantanu e sò piene

Da la cuntentezza

 

Cinqu’anni hò passatu

In tomba serratu

Martire sò statu

Senza raggiò

Ma oghje hò finitu

Sono rivinvitu

Un sò più banditu

Nè più in priggiò

 

O chi sole radiosu

Vegu spuntà

Mi mostra vittoriosu

Una città

U vapore fischjia, arriva

Per accostà

Simu in portu di Bastia

Pronti à sbarcà

 

U vapore fischjia, arriva

Per accostà

Simu in portu di Bastia

Pronti à sbarcà

 

 

Retour vers la page : Dumenicu Campana

 

 

 

Créer un site gratuit avec e-monsite - Signaler un contenu illicite sur ce site